Corona Update: રસી આવતા પહેલાં જ હાંફી જશે કોરોના? મળી રહ્યા છે સારા સંકેત

નવી દિલ્હી: લાગે છે કે કોરોના (Corona Virus) ની રસી આવતા પહેલા જ દેશમાં કોરોનાને પછડાટ મળી ચૂકી હશે. દેશમાં કોરોનાના કેસમાં સતત ઘટાડો થઈ રહ્યો છે. કેન્દ્રીય સ્વાસ્થ્ય મંત્રાલયે આજે બહાર પાડેલા આંકડા મુજબ છેલ્લા 24 કલાકમાં 55,342 નવા દર્દીઓ નોંધાયા છે. આ સાથે જ દેશમાં કોરોનાના કુલ કેસ 71,75,881 થઈ ગયા છે. જેમાંથી હજુ પણ 8,38,729 દર્દીઓ સારવાર હેઠળ છે. જ્યારે 62,27,296 દર્દીઓ સાજા થઈ ગયા છે. એક જ દિવસમાં કોરોનાના કારણે 706 લોકોએ જીવ ગુમાવ્યા. દેશમાં કોવિડ-19થી કુલ મૃત્યુનો આંકડો 1,09,856 થયો છે.